धुलिखेल, ३१ जेठः मण्डनदेउपुर नगरपालिकामा न्यायिक समितिको काम सन्तोषजनक रहेको सरोकालावाले बताएका छन् । आज समितिले गरेको अन्तरक्रिया कार्यक्रम सहभागिहरुले न्यायिक गतिविधि सहज भएको बताएका हुन् । अन्तरक्रियामा नगरप्रमुख टोकबहादुर वाईवाले जिल्लाकै नयाँ नगरपालिका भएपनि न्यायिक क्षेत्रमा गरेको काम जिल्लाका अन्य नगरपालिकाको भन्दा नमुना रहेको बताउनुभयो ।

न्यायपालिकाकी उप प्रमुख एवं संयोजक निर्मला शाहीले संघीयताको अभ्यासमा पहिलो जनप्रतिनिधि भएकाले नगरमा रहेको उचित स्रोत साधनको प्रयोग गर्दै आफूहरूले नगरबासीका लागि न्याय सम्पादन गरिरहेको बताउनु भयो । उहाँले कयौं समस्याका बीचमा न्यायिक समितिले जिल्लामा नमुनायोग्य काम गरेको बताउनु भयो । संयोजक शाहीका अनुसार यो आर्थिक वर्षमा ३९ जनाले न्यायिक समितिमा मुद्धा दर्ता गरेका थिए ।

कार्यक्रममा नगरप्रवक्ता डिल्ली आचार्यले नगरले विधिको शासनलाई स्थापित गर्न लागि परेको बताउनु भयो । दर्ता भएका सबै मुद्धाहरुलाई दुबै पक्षबीच मिलापत्र गराएको छ भने दुईवाट मुद्ध मिलाउन बाँकी रहेको छ । कार्यक्रममा जिल्ला अदालत काभ्रेका श्रेस्तेदार गोविन्द घिमिरेले मण्डनदेपुर नगरपालिकाको न्यायिक समितिको काम जिल्लाकै नमुना भएको बताउनुभयो ।