धुलिखेल, १२ जेठः काभ्रेको धुलिखेल नगरपालिका वडा नं ८ वडालगाउँमा अमेरिकन फौजी किराले मकैबाली सखाप पार्न थाले पछि नगरपालिकाले बिषादी वितरण गरेको छ । वडालगाउँको ३ सय ४० घरधुरीलाई नगपालिकाले फौजी किरा मार्ने बिषादी दिएको हो ।

अमेरिकन फौजी किराको मारमा सबैभन्दा बढी बडालगाउँ, बगैचा र लुइटेल गाउँका किसान परेका छन् । किसानका समस्या बुझेर नियन्त्रणको उपाय समेत सम्बन्धित गाउँमै पुगेर कृषि प्राविधिकहरुले दिइरहेको नगरप्रमुख अशोक ब्याञ्जुले बताए ।

अन्य वडामा पनि फौजी किरा नियन्त्रणका लागि बिषादी वितरण गरिने नगरपालिकाका उपप्रमूख विमला शर्माले बताए । भोलि वडा नं १ र २ मा पनि विषादी वितरण गरिनेछ । समस्या आएका वडाहरुमा क्रमशः बिषादी वितरण गर्दै जाने उपप्रमुख शर्माले बताइन् ।