चौतारा १ जेठ : चौतारा टुडिखेलमा कोरोना भाइरस( कोभिड-१९) सम्बन्धी चेतनामुलक कार्यक्रम सहित ०७७ जेठ १ गते नेपाली सेनाले घटना प्रतिकार्यबारे प्रर्दशनी गरेको छ ।

चौतारा स्थित गोरख बक्स गण द्धारा गरिएको प्रदर्शनीमा पीपीई, एन ९५ माक्स र ग्लोव लगाउने तरिका देखि कोरोना भाइरसको संक्रमित बिरामी भएको थाहा पाएपछिका प्रतिकार्यबारे प्रदर्शनी गरिएको जिल्ला स्वास्थ्य कार्यालयका प्रमुख दुर्गादत्त चापागाइले बताउनु भयो । प्रमुख चापागााइका अनुसार कोरोना संक्रमित बिरामीलाई एम्बुलेन्सले घरसम्म लिन जाने, अस्पतालमा बिरामी आउदा र आइसोलेसनमा राखेर उपचार गर्दा स्वास्थ्यकर्मीले अपनाउनुपर्ने सुरक्षाका बिधिबारे प्रदर्शनी गरिएको थियो ।

त्यसैगरी कोरोना भाइरसका कारण उपचारको क्रममा बिरामीको मृत्यु भएमा शव बोक्ने देखि दाहसंस्कारका बेला अपनाउनुपर्ने सुरक्षाका बिधिहरु समेत नेपाली सेनाले प्रदर्शन गरेको थियो ।