धुलिखेल, ३१ बैशाखः काभ्रेको रोशी गाउँपालिकाले घैया धान खेती गर्न चाहोन किसानसँग निवेदन माग गरेको छ । पालिकाले घैया धान संरक्षणका लागि एक सूचना निकाले किसानसँग निवेदन माग गरेको हो ।

त्यस्तै सिस्नु खेती प्रवद्र्धनका लागि समेत पालिकाले किसानसँग अवधारण सहितको निवेदन माग गरेको छ । घैया धान र सिस्नु रोप्न चाहने किसानले १५ दिनभित्र पालिकामा निवेदन लिनुपर्ने प्रमुख प्रशासकीय अधिकृत डम्बरु दाहालले जानकारी दिए ।

७५ प्रतिशत अनुदानमा घैया धानको बीउ किसान उपलब्ध गराइने दाहालले बताए । एक जना किसानलाई बढीमा ५ केजीसम्म बीउ दिने गरी तयारी भइरहेको छ ।

त्यस्तै रैथाने जात सिस्नु रोपेर आम्दानी गर्ने किसानका लागि पनि अनुदानमा औजार दिने तयारी गरिएको दाहालले बताए । उनका अनुसार सिस्नु प्रशोधन गर्ने मेसिन र कैची सहयोग गर्ने पालिकाले योजना बनाएको छ ।