धुलिखेल २१ बैशाख काभ्रेस् काभ्रेको पाँचखाल नगरपालिकाले कक्षा १० मा पुगेको नयाँ र एसईई परीक्षा दिने विद्यार्थीलाई लक्षित गरेर अनलाइन मार्फत पढाउन सुरु गरेको छ । नगरपालिकाले आज देखि अनलाइन मार्फत पढाउन सुरु गरेको हो ।

गणित, विज्ञान, अग्रेँजी र सामाजिक विषयको पठनपाठन सुरु गरेको नगरपालिकाका प्रेस सल्लाहकार कपिल कोइरालाले जानकारी दिनुभयो । एसईई परीक्षा दिन रोकिएका र कक्षा १० मा पुगेका नयाँ विद्यार्थीहरुका लागि भिडियो सामग्री उत्पादन गरेको हो ।

केहिदिनभित्रै जिल्लाका तीन वटा एफएम रेडियोबाट पनि कक्ष सञ्चालन गरिने प्रेस सल्लाहकार कोइरालाले बताए । यो वर्ष नगरपालिकाबाट ६ सय ५५ एसईई जना विद्यार्थी सहभागि हुदैँछन् । त्यस्तै कक्षा १० नयाँ विद्यार्थी ७ सय ६ रहेको छ ।