धुलिखेल, १५ बैशाखः काभ्रेको नमोबुद्ध नगरपालिकाका जनप्रतिनिधिले एक महिना बराबरको सेवा सुविधा बापतको रकम कोरोना भाइरस रोकथाम तथा नियन्त्रण कोषमा सहयोग गर्ने भएका छन् । सोमबार बसेकोे नियमित कार्यापालिका बैठकले यस्तो निर्णय गरेको प्रवक्ता सञ्जिव ढकालले जानकारी दिए ।

बागमती प्रदेश सरकारले पछिल्लाे पटक ल्याएको नयाँ कानुन अनुसार पाउने १ महिना बराबरको रकम कोषमा जम्मा हुने छ । नगरपालिकाभित्र ६० जना जनप्रतिनिधि छन् ।

बैठकमा नगरपालिकाभित्र बाहिरबाट बस्न आएका नागरिहहरुलाई उपलब्ध गराइएको राहतको विषयमा समिक्षा गरिएको छ । बैठकले वडा नं २, ३, ६ र ११ मा ससर्त अनुदानबाट आएको बजेटले स्वास्थ्य चौकी निर्माण गर्ने निर्णय गरेको छ ।