धुलिखेल १२ बैशाख : लकडाउनका कारण काभ्रेको बनेपामा हरेक वर्ष बैशाख पुर्णिमाका दिन मनउने चण्डेश्वरी जात्रा स्थगित गरिएको छ ।
बैशाख २५ र २६ गते आयोजना हुने जात्रा स्थगित गरिएको बनेपा नगरपालिकाका प्रमुख लक्ष्मीनरसिं बादेले बताए । नगरप्रमुख बादेका अनुसार जात्रा नभएपनि क्षमा पूजा गरेर जात्रा स्थगित गर्ने र बैशाख पुर्णिमाको दिन चण्डेश्वरीको नियमित पुजा अर्चना मन्दिरका पुजारीले गर्ने भएका छन् ।
जात्रामा हुने जमघट तथा भिडभाडले कोरोना संक्रमण जोखिम हुने भएकाले जिल्ला सुरक्षा समितिले जिल्लामा जात्रा, भेला र मेला गर्न रोक लगाएको थियो । १७औ शताब्दी देखि शुरु भएको चण्डेश्वरीको जात्रा स्थगतीत भएको यो पहिलो घटना हो ।
प्रतिक्रिया