धुलिखेल, ८ बैशाखः काभ्रेको चौरीदेउराली गाउँपालिकाले आफ्नो क्षेत्रमा लकडाउनका कारण अलपत्र परेका ४५ जना मजदुरहरुलाई उद्धार गरेको छ । गाउँपालिकाका भिविन्न वडाहरुमा भुकम्प पछिको पुनःनिर्माण काम गर्न आइपुगेका ४५ जना मजदुरहरुलाई उद्धार गरिएको गाउँपालिकाका प्रवक्त विनोद घिसिङले बताए ।

प्रवक्ता घिसिङका अनुसार रुकुम जिल्लाको आठबिसकोट नगरपालिका वडा नं ९ र १० का १४ जना, चौरजहारी नगरपालिका वडा नं ६ का ४ जना र जाजरकोट नलगाड नगरपालिका वडा नं ९ का ४ जना, भेरी नगरपालिका वडा नं ७ का १० जना र छेडागाड नगरपालिका वडा नं १२ का १३ जना रहेका छन् ।

गाउँपालिकाकाका प्रवक्ता विनोद घिसिङको नेतृत्वमा ती मजदुरहरुलाई काठमाडौको त्रिभुवन पार्कसम्म पुर्याइएको हो । त्यहाँबाट भने रुकुमकै सांसद एवं पूर्व मन्त्री जनार्दन शर्माले घरसम्म पुर्याउने बताइएको छ । मजदुरहरुलाई गाउँपालिकाले खान र गाडीको निःशुल्क व्यवस्था गरेको थियो ।