धुलिखेल, ३ बैशाखः जिल्ला प्रशासन कार्यालय काभ्रेले पहिलो पटक जिल्ला प्रवेश गर्नेलाई रोकेको छ । प्रशासनले चौथो पटक लकडाउनको समय अवधि थपिएपछि काभ्रे हुदैँ पदैल हिडेका यात्रुलाई पहिलो पटक रोकेको हो ।

प्रशासनले काभ्रे र साँगा भञ्ज्याङमै पैदल यात्रुलाई रोकेको हो । प्रमुख जिल्ला अधिकारी श्रवण कुमार तिमिल्सिनाले मंगलबार एक सुचना मार्फत काभ्रे जिल्ला प्रवेश निषेध गरेको बताएका थिए ।

यस अघि दोस्रो पटकसम्म लकडाउनको समय निर्धारण गर्दा पनि काभ्रे प्रशासनले पैदल यात्रुलाई कुनै अवरोध गरेको थिए । जिल्लाका रोशी गाउँपालिका र नमोबुद्ध नगरपालिकाले पैदलयात्रुलाई उद्धारकाे नाममा हुलहुज्जत गरेर आ–आफ्नो सिमाना कटाएका थिए ।

लकडाउनका समयावधि लम्बिएसँगै राजधानीबाट सिन्धुपाल्चोक, दोलखा, रामेछाप, ओखलढुंगा, सोलुखुम्बु सहित पूर्वी पहाड र तराईका जिल्ला जाने यात्रुहरुले काभ्रेको भुमि प्रयोग गर्दै आइरहेका छन् ।