काठमाडौं १३ चैत  : भारतमा लक डाउनका बेला दूध किन्न हिडेका युवाको प्रहरीको कुटाईबाट मृत्यु भएको छ ।

पश्चिम बंगालस्थित हाउराह जिल्लाका ३२ वर्षीय लाल स्वामीको प्रहरीको कुटाईबाट मृत्यु भएको हो । कोरोना भाइरसको संक्रमण फैलिएपछि बुधबारदेखि भारत सरकारले २१ दिन लामो लक डाउन घोषणा गरेको छ ।

भारतमा लक डाउनका बेला बाहिर निस्कनेलाई त्यहाँको प्रहरीले कारवाही गर्ने गरेको छ । प्रहरीले कतिलाई कुटपिट गरेको त केहीलाई उठबस गराएको भिडिओ र तस्बिरहरू सामाजिक सञ्जालमा भाइरल भएका छन् ।

पश्चिम बंगालस्थित हाउराह जिल्लाका ३२ वर्षीय लाल स्वामी बुधबार साँझ दूध किन्न भन्दै घरबाट निस्किएका थिए। सडकमा पुगेपछि प्रहरीले उनलाई कुटपिट गरेका थिए । घाइते भएका उनलाई अस्पताल लैजाँदालैजाँदै मृत्यु भयो। उनको परिवारले प्रहरीले हानेको चोटबाट स्वामीको मृत्यु भएको आरोप लगाएका छन् ।

प्रहरीले भने उनलाई हृदयघात भएर मृत्यु भएको दाबी गरेको छ। पश्चिम बंगालमा १० जना कोरोना भाइरस संक्रमित छन् भने एक जनाको मृत्यु भएको छ।