धुलिखेल, १३ चैतः धुलिखेल अस्पतालले सबैलाई घरमा बस्न आग्रह गर्दै कोरोना भाइरस जस्तो लक्षण देखिए घरबाटै फोन गर्न मिल्ने टोलफ्रि नम्बर सार्वजनिक गरेको छ । अस्पताल एनटिसी र एनसेल सिम प्रयोग कर्ताहरुका लागि पैसा नलाग्ने टोलफ्रि नम्बर सार्वजनजिक गरेको हो ।

एनटिसीको सिम प्रयोग कर्ताले १६६००११२२०० र एनसेल प्रयोग कर्ताले ९८०१५७५००६ मा फोन गर्न सक्ने अस्पतालले जनाएको छ । ज्वरो आएको, खोकी लागेको, सास फेर्न गाह्रो भएको वा कोरोना भाइरसको शंका लागे यहि नम्बरमा फोन गर्न आग्रह गरेको छ ।

करिब ३ सय ५० बेड क्षमताको धुलिखेल अस्पतालले ८ बेडको आइसोलेसन कक्ष तयारी अवस्थामा राखेको छ । तर धुलिखेल अस्पतालमा भने परीक्षण किट, चिकित्सकहरुको ब्यक्तिगत सुरक्षाका लागि चाहि पर्सनल प्रोटेक्टिप इक्युपमेन्ट (लुगा) अहिलेसम्म नपाएको अस्पतालका प्रवक्ता डा. सुमन ताम्राकार जानकारी दिए । उपकरण नहुदाँ अहिलेसम्म कसैको पनि परीक्षण भएको छैन ।