धुलिखेल, १३ चैतः काभ्रेको कोशीपारी क्षेत्रमा पर्ने चौरीदेउराली गाउँपालिकाले विदेशबाट आएका हरेक नागरिकको उच्च निगरानी राख्न आफु मातहातका सबै निकायलाई कडा निर्देशन दिएको छ । बिहीबार पालिकाको आधिकारिक फेसबुक पेज मार्फत अध्यक्ष दिननाथ गौतमको नाममा जारी गरिएको सुचनामा कडा निर्देशन दिइएको हो ।

पालिका अध्यक्ष गौतमले विदेशी नागरिक र विदेशबाट काम गरि फर्केका हरेक नागरिकलाई आफ्नो विवरण सम्बन्धित वडा कार्यालयमा अनिवार्य बुझाउन निर्देशन दिएका छन् । अध्यक्ष गौतमले नेपाल आउने विदेशी पर्यटक, बैदेशिक रोजगारीबाट आएका, अध्ययन र अन्तर्राष्ट्रिय ब्यापार ब्यवसायमा संकल्न सबैको विवरण संकलन गर्न वडा कार्यालय देखि महिना स्वास्थ्य संयमसेविकालाई समेत निर्देशन दिएका हुन् ।

पालिका अध्यक्ष गौतमले त्यस्ता ब्यक्तिहरु सेल्फ क्वारेन्टाइनमा बसे वा नबसेको पत्ता लगाउन पनि भनेका छन् । उनले सेल्फ क्वारेन्टाइनमा बस्न नमाने गाउँपालिका र सुरक्षा निकयमा तत्काल खबर गर्न पनि सबैलाई आग्रह गरेका छन् । वडाध्यक्ष र सदस्यहरुलाई नेपाल सरकार र विश्व स्वास्थ्य संगठनले गरेका निर्णय र निर्देशन आ–आफ्नो वडामा कडाईका साथ लागु गर्न पनि पालिका अध्यक्षले आग्रह गरेका छन् ।

पालिकाले धुसेनी शिवलय अस्पतालमा हेल्थ डेस्क स्थापना गरेको छ ।