धुलिखेल, १० चैतः काभ्रेको अति विगत डाँडापारि क्षेत्रको महाभारत गाउँपालिका आज साँझ ६ बजेदेखि सवारीसाधनको प्रवेशलाई रोक लगाएको छ । केहिबेरअघि बसेको कार्यपालिकाको आकस्मिक बैठकले साँझ ६ बजेदेखि अत्यावश्क सवारी साधनबाहेक अन्य सवारी साधन रोक्ने निर्णय गरेको हो ।
अर्को सूचना जारी नहुँदासम्मका लागि सवारीसाधन सञ्चालन हुन नपाउने प्रवक्ता प्रविन मोक्तानले जानकारी दिए । एम्बुलेन्स बाहेकका अन्य अत्यावश्यक मात्रै सवारीसाधन चल्न पाउनेछ । बैठकले भिडभाड नगर्न र आफ्नै घरमा बस्ने सबै नागरिकलाई आग्रह गरेको छ ।
आफ्नो पालिकाभित्र कोरोना भाइरसको संक्रमण नफैलियोस् भन्नका लागि यस्तो निर्णय गरिएको प्रवक्ता मोत्तानले बताए ।
प्रतिक्रिया