धुलिखेल, १० चैतः सरकारले काठमाण्डौ उपत्यकाबाहेक अरु ठाउँमा एक जिल्लाबाट अर्को जिल्लामा गाडी चलाउन नपाइने बताएपनि राजधानीबाटै सयौँको संख्यामा गाडी बाहिरएका छन् । अरनिको र बीपी राजमार्ग आइतबारको तुलनामा केहि खाली भएपनि यातायातका साधन भने निर्वाध रुपमा चलिरहेको पाइएको छ ।

यातायात व्यवस्था विभागले सोमबार (आज) देखि अर्को सूचना प्रकाशित नभएसम्मका लागि एक जिल्लाबाट अर्को जिल्लामा गाडी चलाउन नपाइने जनाएको छ । तर धुलिखेल हुदैँ पूर्वी पहाड र भित्री मधेश पुग्ने बीपी राजमार्गमा सार्वजनिक सवारी साधनले यात्रु ओसारिहेका छन् । बिहान सबेरै टिपर, मिनी टिपर, ट्रक, मोटरसाइकल र निजी सवारी साधन चलेपनि ८ बजेपछि भने बस, हायस माइक्रो, सुमो जस्ता भाडाँका सवारी साधनहरुले ओसारी रहेका छन् ।

काठमाण्डुबाट यात्रु लिएर आएका सावरी साधनलाई काभ्रे प्रहरीले पनि कुनै छेकथुन गरेको छैन् । सरकारले लामोदुरीमा सोमबारदेखि यातायात सञ्चालन नगर्न भनेको छ ।