धुलिखेल, ९ चैतः राष्ट्रिय युवा संघ धुलिखेलले नगरप्रमुख अशोक कुमार ब्याञ्जु श्रेष्ठलाई ध्यानाकर्षण पत्र बुझाएको छ । कोरोना संक्रमणको रोकथामका लागि नगरपालिको भरपर्दो योजनाको माग गर्दै संघले आइतबार ज्ञापन पत्र बुझाइएको राष्ट्रिय युवा संघ धुलिखेल नगर कमिटीका अध्यक्ष सिबी तामाङले जानकारी दिए ।

ज्ञापन पत्र मार्फत संघले नगरबासिहरुका लागि कोरोना भाइरस विरुद्धको अभियान सञ्चालन गर्न वडाहरुमा जनप्रतिनिधि र सरोकारवाला पक्षहरुको उचित परिचालन गर्न नगरप्रमुख ब्याञ्जु श्रेष्ठको ध्यानाकर्षण गराएको हो । नगरपालिकाले आवश्यकता महशुल गरेर स्वयमसेवी भएर काम गर्न तयार रहेको संघले जनाएको छ । संघले वडा नम्बर १० र ६ मा बाहेक अन्य वडाहरुमा प्रभावकारी प्रचार प्रसार र सर्थकताका बारे गतिविधि भएको भन्दै तत्काल सबै शक्ति परिचालन गर्न अनुरोध गरेको छ ।

संघको ज्ञापनपत्र बुझ्दै नगरप्रमुख श्रेष्ठले नगरपालिकालाई आफ्नो सम्पुर्ण संयन्त्र परिचालन गर्न, आवश्यक परेमा स्थानीय संघसंस्था, क्लबका युवालाई समेत जनचेतना फैलाउने काममा परिचालन गर्ने प्रतिवद्धता जनाएका थिए ।