धुलिखेल, ९ चैत काभ्रेका सबै स्थानीय तहले अत्यावश्यक बाहेक अन्य सेवा स्थगित गरिने बताएका छन् । आइतबार देखि चैत २१ गतेसम्म सेवा स्थगित हुनेछ ।

जिल्लाको खानीखोला गाउँपालिकाले अत्य आवश्यक बाहेक सबै सेवा बन्द हुने जनाएको छ । धुलिखेल, पनौती, पाँचखाल, नमोबुद्ध, बनेपा र मण्डनदेउपुर नगरपालिकाले अत्यावश्क बाहेक अन्य सबै सेवा स्थगित गरेका हुन् । यसैगरी तेमाल गाउँपालिकाले पनि अत्य आवश्यक बाहेक सबै सेवा वन्द गरेको प्रवक्ता ज्ञानबहादुर तामाङले बताए ।

स्वास्थ्यसंग सम्बन्धित सबै सेवा, सरसफाई ब्यवस्थापन सेवा, दमकल एवं एम्बुलेन्स सेवा र विद्यूतीय बोलपत्र सम्बन्धित कार्यहरु भने सुचारु हुने स्थानीयहरुले बताएका छन् । काभ्रे जिल्लाका अन्य सरकारी कार्यालयका समेत अत्यावश्यक सेवा बाहेक अन्य सेवा बन्द गरिएको छ ।