धुलिखेल, ९ चैतसः तीन दिनअघि काभ्रेका प्रमुख जिल्ला अधिकारी श्रवण कुमार तिमिल्सिनाको अध्यक्षतामा बसेको बैठकले गरेका निर्णय अरनिको र बीपी राजमार्गमा कार्यान्वयन नभएको पाइएको छ । चैत ६ गते कोभिड–१९ को विपद नाम दिइएको उक्त बैठकले विभिन्न ९ बुदेँ निर्णय गरेको थियो ।

निर्णयको ७ नम्बर बुदाँमा सार्वजनिक यातायातका सवारी साधनहरुमा सीट क्षमता भन्दा बढी यात्रुहरु ओसारपसार गर्न नदिने र त्यसको अनुगमन जिल्ला प्रहरी कार्यालय गर्ने उल्लेख छ । तर शनिबार र आइतबार दुबै राजमार्गमा चल्ने यात्रु बहाक सवारी साधनले कोचाकोज यात्रु बोकिरहेका छन् । काभ्रे प्रहरीले कतै चेकजाँच समेत गरेको छैन् ।

बीपी राजमार्ग भएर पूर्वी पहाड र भित्री मधेशका जिल्लामा काभ्रेहुदैँ सवारी साधन जाने गरेका छन् । काेराेना भाइरसकाे संत्रास सँगै गाउँ फर्कनेकाे घुँइचाे छ । सरकारले २५ जनाभन्दा बढी जमघट नहुन समेत निर्देशन दिएकाे छ । तर यात्रुबहाक सावरीसाधनमा त्याे निर्देशन कार्यान्वयन भएकाे पाइदैँन । बसदेखि हायससम्म क्षमताभन्दा बढी यात्रु बाेकेर कुदि रहेका छन् ।

यस्ताे छ बैठककाे निर्णय