धुलिखेल, ४ चैतः सिन्धुपाल्चोक जिल्लाको जुगल गाउँपालिकाका महिलाले प्रसुती अवधिभर एम्बुलेन्स निःशुल्क पाउने भएका छन् । पालिकाका प्रमुख प्रशासकीय अधिकृत लोक बहादुर विकका अनुसार प्रसुती सेवालाई सुरक्षित र प्रभावकारी बनाउन आज देखि निःशुल्क एम्बुेन्स सेवा सुरु गरिएको हो ।

त्यसका लागि पालिकाले एउटा एम्बुलेन्स सञ्चालनमा ल्याएको छ । एम्बुलेन्स सेवा ७ वटै वडाभित्रका महिलाले प्रसुती अवधिभर लिन पाउनेछन् । जुगल गाउँपालिकामा ६ वटा स्वास्थ्य चौकी, ३ वटा सामुदायिक स्वास्थ्य इकाई सञ्चालनमा छन् । त्यस्तै अर्को एउटा पनि सामुदायिक स्वास्थ्य ईकाई निर्माण भएको प्रमुख प्रशासकीय अधिकृत विकले जानकारी दिए । ‘स्वास्थ्य संस्थामा प्रसुति गराएपनि, अन्य ठाउँमा लैजानुपर्ने अवस्था आएपनि सेवा लिन पाउनुहुन्छ, प्रमुख प्रशासकीय अधिकृत विकले भने ‘सेवा ग्राहिलाई तत्काल सेवा दिन र दुरुपयोग नहोस् भन्नका लागि एम्बुलेन्स सञ्चालक समिति नै छुट्टै बनाएका छौँ ।’

पालिकाको ४ वटा स्वास्थ्य चौकीमा बर्थिङ सेन्टर रहेको स्वास्थ्य संयोजक अनिल साउदले बताए ।