धुलिखेल, २९ फागुनः काभ्रेको धुलिखेल नगरापलिकाले आगामी शैक्षिक सत्र २०७७ सालमा लिइने शुल्क प्रस्ताव पेश गर्न नीजि विद्यालयहरुलाई निर्देशन दिएको छ । प्रमुख प्रशासकीय अधिकृत तारानाथ लुइटेलले एक सुचना निकालेर चैत १५ गतेभित्र प्रस्ताव पेश गर्न सबै विद्यालयलाई आग्रह गरेका हुन् ।

विद्यालयहरुले शैक्षिक सत्र २०७६ सालमा लिएको शुल्क र २०७७ को प्रस्तावित शुल्क बढाए त्यसको कारण र औचित्य समेत उल्लेख गर्नुपर्नेछ । नगरपालिकाले विद्यालय ब्यवस्थापन समितिको निर्णय सहित शिक्षा, युवा तथा खेलकुद शाखामा पेश गर्न भनेको छ ।

प्रस्तावित शुल्कको विवरण नगरपालिकाबाट स्वीकृत भएपछि मात्रै लागु हुने प्रमुख प्रशासकीय अधिकृत लुइटेलले जानकारी दिए । नगरपालिकाभित्र ११ वटा नीजि विद्यालय रहेका छन् ।