होमेन्द्र राना, फागुन २५ घर्तिछापः काभ्रेको अति दुर्गम क्षेत्रमा पर्ने महाभारत गाउँपालिकाका वडा नम्बर ८ घर्तिछापमा मगर साँस्कृतिक संघ गठन गरिएको छ । आफ्नो भाषा, धर्म, कला, सस्किृति, पहिचान र जातीय परम्परा लाई संरक्षण र प्रर्वधन गर्ने उदेश्यले पृथ्वीबल आले अध्यक्ष सदस्यको ११ सदस्यीय साँस्कृतिक संघ गठन गरिएकाे हो ।

संघको उपाध्यक्षमा दुर्गा बहादुर अस्तानी, सचिवमा लेख बहादुर दर्लामी, सह–सचिवमा तेज बहादुर दर्लामी र कोषाध्यक्षमा बुद्विबल राना रहेका छन् । त्यस्तै सदस्यहरुमा रत्न बहादुर दर्लामी, श्याम बहादुर पिठाकोटे, देवि बहादुर आले, दुत बहादुर आले, श्याम बहादुर आले र तिर्थ बहादुर आले चयन भएका छन् ।

आफ्नो जातीय पहिचान र कला संस्कृति प्रति पछिल्लो समयमा युवाको चासो र लगाव नभएको भन्दै आफ्नो पहिचान संरक्षण गर्न संघले महत्वपूर्ण भुमिका निर्वाह सर्जक दुत बहादुर आले मगरले बताए । भावि पुस्तामा पुर्खाको संस्कृति हस्तान्तरण गरेर जनाने हो भने मगरहरुको पहिचान नै मेटिने सर्जक आलेको भनाई छ ।