धुलिखेल, १५ फागनुः नेवार समुदायको ऐतिहासिक नवदुर्गा जात्रा धुलिखेलमा यहि फागुन १९ र २० गते हुने भएको छ । नगरपालिकाले एक सुचना मार्फत जात्रा अवधिभर बेलुन, लोला, प्लास्टिक जन्य चिजले नहान्न आग्रह गरेको छ ।

यस्तो कार्य गर्दा जात्रा भर्न आउने पाहुनालाई दुख हुने र शान्ति सुरक्षाको अवस्थामा समस्या उत्पन्न हुने नगरपालिकाले बताएको छ । नगरपालिकाले मादक पदार्थ सेवन गरेर जात्रामा नआइदिन समेत अनुरोध गरेको छ ।

जात्रा सम्पन्न नभएसम्म नगरभित्रका सबै पसललाई बेलुन बिक्रि वितरण बन्द गर्न पनि नगरपालिकाले भनेको छ । नवदुर्गा जात्राको सुरुवात नेपाल सम्बत् ६३३ मा भक्तपुरका राजा भुवन मल्लले सन्चालनमा ल्याएको र राजा आनन्द देव मल्लले नवदुर्गाको देवस्थल निर्माण गरेको इतिहास भेटिन्छ ।