काठमाडौं ५ फागुन : जिल्ला अदालत काठमाडौंले पूर्व सभामुख कृष्णबहादुर महरालाई सफाइ दिएको छ । काठमाडौं जिल्ला अदालतका न्यायाधीश अमरराज पौडेलको इजलासले उनलाई सफाइ दिएको हो ।

महराविरुद्ध करणी प्रयासमा पाँच वर्ष र सार्वजनिक पद धारण गरेर कसुरको प्रयास गरेको भन्दै थप साढे २ वर्ष गरी साढे ७ वर्ष कैद सजाय माग गर्दै अभियोगपत्र दायर गरिएको थियो ।

संसद सचिवालयकी एक महिला कर्मचारी माथि यौन हिंसाको आरोप विगत तीन महिना देखि महरा पूर्पक्षका लागि डिल्लीबजार कारागारमा रहेका थिए ।

महराको पक्षबाट रमणकुमार श्रेष्ठ, शेरबहादुर केसी, लव मैनाली, दिनमणी पोखरेल, डा।भीमार्जुन आचार्यलगायतले बहस गर्नुभएको थियो ।