काभ्रे: काभ्रेको पनौती नगरपालिकाको वडा नम्बर १ रयालेलाई बालमैत्री घोषणा गरिएको छ । आज एक कार्यक्रमको आयोजना गरी वडालाई बालमैत्री वडा घोषणा गरिएको हो । यो सँगै नगरपालिकामा बाल मैत्री घोषणा हुने वडाको संख्या चार पुगेको छ ।

काभ्रे जिल्लामै पनौती नगरपालिकाको वडा नम्बर १२ लाई पहिलो बाल मैत्री शासन वडा घोषणा गरिएको थियो । पनौती नगरपालिकाको वडा २ र ३ पनि बालमैत्री घोषणा भइसकेका छन् ।

जिल्लामा धुलिखेल नगरपालिकाको वडा नम्बर १२ पनि बालमैत्री वडा हो । स्थानीय शासन राष्ट्रिय रणनीति तथा कार्यन्वयन कार्यविधि २०६८ र बाल मैत्री स्थानीय निकाय घोषणा २०७० निर्दिष्ट गरेका सुचक पूरा गरेपछि वडालाई बाल मैत्री घोषणा गरिएको बाल मैत्री स्थानीय शासन प्रचार प्रसार समितिले जनाएको छ ।