धुलिखेल, १७ माघः काभ्रेको खानीखोला गाउँपालिकाले लक्षित वर्गका लागि पारित गरेका योजनाहरु सम्झौता गर्न सुरु गरेको छ । शुक्रबार महिला लक्षित कार्यक्रम अन्तर्गत कम्प्युटर र सिलाई बुनाई तालिम कार्यक्रम सम्झौता भएको पालिकाका अध्यक्ष कृष्ण बहादुर खुलालले बताए ।
उनका अनुसार कम्प्युटर तालिमका लागि ७ लाख रुपैयाँ र सिलाईबुनाई तालिम सञ्चालन गर्न ७ लाख रुपैयाँ विनियोजन गरिएको छ । महिला लक्षित शीर्षकमा गाउँपालिकाले चालु आर्थिक वर्षका लागि २१ लाख रुपैयाँ विनियोजन गरेको छ ।
सम्झौता कार्यक्रम अनुसार ३ महिने तालिम सञ्चालन हुने गाउँपालिका अध्यक्ष खुलालले बताए ।
।
प्रतिक्रिया