धुलिखेल, १४ माघः अनौपचारिक क्षेत्र सेवा केन्द्र (इन्सेक) का अध्यक्ष इन्द्रिरा श्रेष्ठले नेपालका नागरिक समाजले संयुक्त राष्ट्रसंघले ब्यवस्था गरेका मानवअधिकारलाई नजिकबाट बुझ्नुपर्ने बताएकी छन् । मंगलबार धुलिखेलमा आयोजित मानव अधिकारको मापदण्ड, नीति र संयन्त्र विषयक कार्यशालाको शुभारम्भ गर्दै अध्यक्ष श्रेष्ठले मानवअधिकारको क्षेत्रमा राष्ट्रसंघको महासन्धिले गरेका ब्यवस्था आम नागरिक माज पुर्याउन आवश्यक रहेको बताएकी हुन् ।

अन्र्तराष्ट्रिय मानव अधिकारको विषयमा बेला–बेला बहस भएपनि त्यो बहस पर्याप्त नभएको अध्यक्ष श्रेष्ठको भनाई छ । नेपालले अनुमोदन गरेका राष्ट्रसंघको महासन्धिलाई पनि चेतनाको रुपमा नागरिक समक्ष पुर्याउन नागरिक समाजले भूमिका निर्वाह गर्नुपर्ने उनको भनाई छ ।

भोलीसम्म चल्ने कार्यशालामा विभिन्न संघसंस्थाका २५ जना प्रतिनिधि सहभागि रहेको इन्सेकका निर्देशक श्रीराम बजागाईले जानकारी दिए ।