धुलिखेल, १२ माघः तामाङ समुदायले सोनाम ल्होछार पर्व मनाएका छ । मञ्जुश्री पात्रोअनुसार शनिबारबाट नयाँ वर्ष सुरु भएको छ । नयाँ वर्ष सुरु भएकै दिन तामाङ समुदायले ल्होछार पर्व मनाउँदै आइरहेका छन् ।

हेर्नुभिडियो

ल्होछारका १२ वटै वर्ष पशुपन्छीका नामबाट गणना गरिएकाले प्रकृतिपुजाको रुपमा समेत आजको दिनलाई लिने गरिएको छ । तामाङ समुदायको बाहुल्यता रहेको काभ्रे सहित बाग्मती प्रदेशका विभिन्न जिल्लामा विशेष कार्यक्रम भइरहेका छन् । तेमाल र रोशी गाउँपालिकाको विभिन्न ठाउँमा ल्होछार केन्द्रित साँस्कृतिक कार्यक्रमहरु भएका छन । नगरकोटमा महोत्सव चलेको । भकुण्डेमा पनि ल्होछार विशेष कार्यक्रम भएको छ ।

उता सिन्धुपाल्चोक जिल्लाको लिसंखु–पाखर गाउँपालिका वडा नम्बर २ लिसंखुमा पनि ल्होछारको अवसरमा आज विशेष कार्यक्रम भएको छ । वडाभित्र रहेका विभिन्न जातजातिको भूषभेषा झल्कने झाँकीहरु प्रर्दशन गरिएको थियो । बागमती प्रदेश सरकारले शनिबार मनाइने पर्वका अवसरमा शुक्रबार नै प्रदेशभर सार्वजनिक बिदा दिएको थियो ।