धुलिखेल, ७ माघः बागमती प्रदेशको स्थायी राजधानीको टुंगो लागेपनि काभ्रेबाट प्रदेश सभामा सहभागि सांसदहरुलाई भने आफ्नो जिल्लामा स्थायी राजधानी ल्याउन नसकेको कुराले पिरोलिरहेको छ । मतदाताको चर्को आलोपना खेपिरहेका छन । पुस २७ गते हेटौँडालाई नै स्थायी राजधानी बनाउन मञ्जुर गरेर आएका काभ्रेली प्रदेश सांसदहरु अहिले फेरी मतदाता भेट्न गाउँ गाउँ पुगिरहेका छन् ।

सोमबार काभ्रेको विकट क्षेत्र डाँडापारी र कोशीपारीबाट निर्वाचित प्रदेश सांसद चन्द्र लामा र रत्न ढकाल एउटै मञ्चमा भेटिए । महाभारत गाउँपालिकाको वडा नम्बर ६ देवीटारमा पालिकाले आयोजना गरेको साक्षरण घोषणा कार्यक्रममा । उनीहरुले मतदातालाई साक्षी राखेर चुनावमा त्यहि ठाउँमा उभिएर गरेको प्रतिबद्धता स्मरण गरे ।

तर चुनावमा गरेको प्रदेश राजधानी काभ्रे ल्याउने प्रतिबद्धता भने पुरा गर्न नसकेकोमा उनीहरुले मतदातासामु क्षमायाचना गरे ।
हेर्नुस भिडियो

सडकको पहुँच पुर्याउने, प्राविधिक शिक्षा सुरु गर्ने, जडिबुडि प्रशोधन गर्ने जस्तो थुप्रै चुनावी प्रतिबद्धताहरु क्रमश पुरा भइरहेको सांसद लामा र ढकालले बताए । उनीहरुले बागमती प्रदेशको स्थानीय तहहरु मध्ये सबैभन्दा विकट नै महाभारत रहेको बन्दै थप विकासका सम्भावनहरु पहिचान गरी बजेट विनियोजन गर्ने बताए ।