धुलिखेल, २१ पुसः साँस्कृतिक रुपमा जिल्लाकै धनी पनौती नगरपालिकामा फोटो प्रदर्शनी चलिरहेको छ । अग्रेँजी नयाँ वर्षबाट सुरु भएको फोटो प्रदर्शनी जनवरी महिनाभर चल्ने छ ।

पनौती नगरपालिकासँगको सहकार्यमा पनौती विकास केन्द्रले फोटो प्रदर्शनमा ल्याएको हो । प्रदर्शनीमा खोपासी र रयालेको फाँट देखि फुल्चोकीको डाँडाका फोटो समेत समावेश गरिएको छ । पनौती नगरपालिकाका विभिन्न भागबाट देखिने हिमशृङखला देखि थुम्की डाँडासम्मको फोटो हेर्न पाइन्छ ।

इन्द्रेश्वर मन्दिर परिसरमा भइरहेको फोटो प्रदर्शनीमा पनौती नगरपालिकाभित्र रहेका विभिन्न पुरानो मठमन्दिर तथा मूख्य–मूख्य पर्यटकीय स्थलहरुको फोटो पनि राखिएको छ । पनौती घुम्न आउने पर्यटकहरुलाई पुरानो र मौलिकता झल्कने फोटो एकै ठाउँमा देखाउने उद्देश्यले फोटो प्रदर्शनी गरेको पनौती विकास केन्द्रले जनाएको छ ।