धुलिखेल, ३० मंसिर काभ्रेको बनेपा नगरपालिका वडा न.६ मा रहेको भक्तेश्वर मार्ग स्तरउन्नतीको काम सुरु भएको छ ।

सोमबार एक कार्यक्रमको आयोजना गरी प्रदेश सांसद बसुन्धरा हुमागाईले मार्ग स्तरउन्नती गर्ने कामको सुरु गर्नुभएको हो । ६० लाख २६ हजार ४ सय ६२ रुपैयाँमा ठेकेदार मार्फत ढल बिछ्याउने र सडक फराकिलो पार्ने काम हुने वडाध्यक्ष सचितानन्द केसीले बताउनुभयो ।

२०७७ साल बैशाख महिनाभित्र ४ सय मिटर लामो यो मार्ग स्तरन्नति भइसक्नेछ । प्रदेश सरकारबाट विनियोजन भएको बजेटबाट स्तरउन्नती हुन लागेको यो सडक ३६ फिट चौडाईको बन्ने छ ।

शिलान्यास कार्यक्रममा बनेपा नगरपालिकाका नगरप्रमुख लक्ष्मी नरसिंह बादे श्रेष्ठ, उपप्रमूख रेखा सापकोटा दाहाल, वडा नम्बर ५ का वडाध्यक्ष बलराम अधिकारी, वडा नम्बर ७ वडाध्यक्ष बर्ण शाक्यका साथै स्थानीयहरु सहभागि हुनुभएको थियो ।