धुलिखेल २३ मंसिर : काभ्रेको तेमाल गाउँपालिकाले सोमबार पनि योजना सम्झौताको कामलाई निन्तरता दिएको छ ।

वडा नम्बर ५ चालु आर्थिक वर्षका लागि विनियोजन गरेका ११ वटा योजना सम्झौता भएका हुन् । भौतिक पूर्वाधार तर्फका योजना ११ वटा योजना सम्झौता भएको प्रमूख प्रशासकिय अधिकृत लक्ष्मण कुईकेलले जानकारी दिए ।

कार्यक्रममा तेमाल गाउँपालिकाका उपाध्यक्ष दुर्गामाया तामाङले योजना संचलानमा गाउँका उपभोक्ताहरुलाई सहज होस भनेर घरदौलोे सेवा संचालन गरेको बताए । त्यस्तै पालिकाको योजना शाखा प्रमूख राजकुमार तामाङले योजना सम्झौता गर्न आएका उपभोक्ताहरुलाई योजना निर्माण परिचालनका चरणहरुबारे सहजीकरण गरेका थिए ।

वडास्तरमै पुगेर तेमाल गाउँपालिकाले योजना सम्झौता गर्दै आइरहेको छ । पालिकाले वडा नम्बर ६ बाट योजना सम्झौता सुरु गरेको थियो ।