चौतारा, २२ मंसिर सिन्धुपाल्चोकमा राष्ट्रिय दलित पत्रकार संघ नेपाल गठन गरिएको छ ।

आइतबार सुकुटेमा एक कार्यक्रमको आयोजना गरी गठन गरिएको हो । संघको अध्यक्षमा सुनिल मिजार चयन भएका छन । त्यस्तै उपाध्यक्षमा एस्तर रामुदामु, सचिवमा शिव परियार, सह सचिवमा रेविका विश्कर्मा र कोषाध्यक्षमा सुनिता सुन्दास रहनुभएको छ ।

सदस्यहरुमा अस्मिता परियार, सुनिल रोक्का, रचना विक, हिमाल नेपाली र उमेश विक चयन हुनुभएको पत्रकार चित्र मिजारले जानकारी दिए । संघको गठनले सिन्धुपाल्चोक जिल्लामा दलित समुदायहरुको हकअधिकार सञ्चार माध्यम मार्फत गाउँ टोलमा पुर्याउन मद्दत पुग्ने पत्रकार मिजारले बताए । कार्यक्रम नेपाल पत्रकार महासंघ सिन्धुपाल्चोक शाखा पदाधिकारी पनि सहभागि भएका थिए ।