धुलिखेल, २० मंसिर काभ्रेको भुम्लु गाउँपालिकाको दुई वटा वडाका स्थानीयले जग्गा धनी लालपूर्जा पाउने भएका छन् ।

गाउँपालिकाको वडा नम्बर ८ भुम्लुटार र वडा नम्बर ७ फलाँटेका स्थानीयले लालपुर्जा पाउने भएका हुन् । यी दुई वटा वडाको सिमाना विवादका कारण लामो समयदेखी त्यहाँका स्थानीय लालपूर्जा विहीन छन् ।

लालपूर्जा वितरणका लागि स्थापना गरिएको नापी र मालपोत फिल्ड कार्यालयको शुत्र्रmबार सञ्चार तथा सुचना प्रविधि मन्त्री गोकुल बास्कोटाले उद्घाटन गरे ।

भूम्लु गाउँपालिकाको वडा नं ७ का ३ सय ६५ र वडा नं ८ मा ५ सय ८९ परिवारसँग ४४ वर्षदेखि लालपुर्जा नभएको बताइएको छ । लालपूर्जा नहुदाँ भूकम्पपछि नयाँ घर बनाउन समेत निकै समस्या भइरहेको छ ।