धुलिखेल १ असोज : अविरल वर्षासँगै आएको पहिराले काभ्रेको खानीखोला गाउँपालिका वडा नं ५ डुम्रेमा रहेको नेत्र ज्योति प्राथमिक विद्यालयको ३ कोठे पक्की भवन पुरेकाे छ।

पहिरोका कारण दुईवटा भवन मध्ये एउटा भवन पूर्णरुपमा क्षति भएको वडा अध्यक्ष दुर्गा तिमल्सीनाले बताए । यसैगरी घरमाथिबाट आएको पहिरोले स्थानीय टेकबहादुर सिङतानको घर पनि पुरिएको छ ।

मानवीय क्षति नभएपनि घर भित्र रहेको कुनै सामान निकाल्न नपाउदा सिङतानको परिवार समस्यामा परेकाे छ । अध्यक्ष तिमल्सीनाका अनुसार सिङतानको परिवार छिमेकीको घरमा आश्रय लिएर बसिरहेका छन् ।

यसैगरी काभ्रेको तेमाल गाउँपालिका वडा नं १ सस्र्यूखर्कमा रहेको जनचेतना माविको दुईकोठे पक्की भवनमा क्षति पुरर्याएको छ । पंचकन्या आधारभुत विद्यालयका प्रधानाध्याक रामप्रसाद पाण्डेका अनुसार विद्यालय भवनको पर्खाल पहिरोले बगाएपछि विद्यालयमा क्षति भएको हो ।