काठमाडौं, ३ भदौं : जिल्ला अदालत चितवनले पत्रकार शालिकराम पुडासैनीको ‘आत्महत्या’ प्रकरणसँग जोडिएका आरोपी टेलिभिजनकर्मी रवि लामिछान सहित ३ जनालाई थप ५ दिन हिरासतमा राखेर अनुसन्धान गर्न मंगलबार आदेश दिइको छ ।
जिल्ला न्यायधीश गायत्रीप्रसाद रेग्मीको एकल इजलासले यस्तो आदेश दिएको हो । यसअघि साउन ३१ गते उनीहरुलाई ५ दिन म्याद दिएर अनुसन्धान गर्न अनुमति दिइएको थियो ।
अदालतले लामिछानेसहित पत्रकार युवराज कँडेल र अस्मिता कार्कीसँग सोमबार र मंगलबार गरी दुई दिन बयान लिएसँगै थप अनुसन्धान गर्नुपर्ने भन्दै म्याद थप गरेको प्रहरी श्रोतले बताएको छ ।
प्रतिक्रिया