धुलीखेल ३१ श्रावण : अर्थ मन्त्री डा. युवराज खतिवडाले मुलुकमा शाक्षर नागरिक र करका बारेमा प्रश्न उठ्दा हामीले करदाता शिक्षालाई अगाडि बढाउनु पर्ने बताएका छन् ।

अहिले हामी कस्तो कर प्रणाली चाहान्छौ त ? हामीले चाहेको कर प्रणली भनेको इमान्दार व्यबसायीले प्रतिष्र्धी रुपमा व्यवसाय गर्ने वातावरण बन्नु पर्यो । अहिलेको सरकारले चाहेको कर प्रणली भनेको यहीे कर प्रणाली हो ।

काभ्रे रहेको आन्तरीक राजश्व कार्यलय धुलिखेलको नवनिर्मित भवनको आज उद्घाटन गर्दै अर्थ मन्त्री डा.खतिवडाले यस्तो बताएका हुन् । उद्यमीले उद्योग व्यवसाय के कसरी चलाउने भन्ने योजना बनाउँदै गर्दा कस्तो किसिमको कर तिर्ने ? कति वर्षसम्म तिर्ने ? कति वर्षमा कति मुनाफा प्राप्त गरिन्छ भन्ने योजना उद्योगीले बनाएको हुन्छ । आफूले कर तिर्दा अरुले पनि तिरोस र अरुले नतिर्दा आफूले पनि तिर्न नपरोस भन्ने मान्यता सबैको हुन्छ ।

त्यही धारणा अनुसारको कर प्रणाली लागू गराउनु पर्छ । अब करका दरहरु बढाउनसक्ने अवस्था छैन । ती सबै आय कर प्रणालीका करहरु नै हुन् । २० लाखभन्दा बढी आय आर्जन भएकाहरुको लागि ३६ प्रतिशत छ । संस्थागत आयकरलाई पन्ध्रौं वर्षदेखि बढाइएको छैन । अब करको दरलाई बढाउने पक्षमा सरकार नभएको मन्त्री खविडाको धनाई थियो ।

कार्यक्रममा प्रमुख जिल्ला अधिकारी उदयबहादुर राना, जिल्ला प्रहरी कार्यालय प्रमुख जयबाहादुर सापकोटा, धुलिखेल नगरपालिकाका आशोक व्यान्जू, काभ्रे उद्ययोग वाणिज्य संघका अध्यक्ष प्रकाश मानन्धर, अर्थ मन्त्रालयका सचिव लालसंकर घिमिरे, आन्तरीक राजश्व कार्यालयका महानिर्देशक विष्णुप्रसाद नेपाल, उद्ययोगी व्यवसायी, पत्रकार र करदाताहरु उपस्थित रहेको थियो ।

आन्तरिक राजस्व कार्यालय काभ्रेबाट काभ्रे लगायत सिन्धुपाल्चोक, दोलखा र रामेछापका सेवाग्राहीलाई सेवा प्रवाह हुँदै आएको छ ।