काठमाडौं १२ साउन : काभ्रे कल्याणकारी सामाज नेपालले काभ्रेका दुईजना क्यान्सर पीडितलाई आर्थिक सहयोग प्रदान गरेको छ ।

क्यान्सर रोगबाट पीडित काभ्रेको चौरीदेउराली गाउँपालिका वडा नं ७ मादन कुडारीकी ४ वर्षीय यूनिका तामाङ र बेथानचोक गाउँपालिका वडा नं १ च्याम्राङबेशीकी ठूलीमाया ताामाङ शनिबार सहयोग हस्तान्तरण गरेको हो ।

समाजले चौरीदेउरालीकी युनिकालाई ६२ हजार चार सय र ठूलीमायालाई ५९ हजार तीन सय रुपियाँ नगद हस्तान्तरण गरेको समाजका अध्यक्ष उर्गेन लामा (थोकर) ले जानकारी दिए ।

काभ्रेबाट रोगजागरीको शिलसिलामा मलेसिया पुगेका युवाहरुको सक्रियातामा बनेको यस संस्थाले यसअघि पनि आर्थिक विपन्नताका कारण उपचार गर्न नसकेका विभिन्न ब्यक्तिलाई सहयोग गर्दै आइरहेको छ ।

यसैबीच काभ्रे कल्याणकारी सामाज नेपालले धुलिखेलमा कार्यालय नै सञ्चालनमा ल्याएको छ । कार्यालयको आइतबार एक कार्यक्रमको आयोजना गरि उद्घाटन गरिएको हो । उद्घाटन कार्यक्रममा समाजसेवी शंखबुद्ध लामा, भेषराज साह, हिरामान लामा लगायतको सहभागिता थियो ।