काठमाडौं ८ साउन : बैतडी जिल्लाको पाटन नगरपालिका–८ खोड्पेमा जिप दुर्घटना भएको छ । दुर्घटनामा परी दार्चुला जिल्लाको महाकाली नगरपालिका–९ दत्तुका ३५ वर्षीय ईश्वर नागरी मृत्यु भएको इलाका प्रहरी कार्यालय पाटनले जनाएको छ ।
दुर्घटनामा घाइते भएकाहरुमा दत्तुका २३ वर्षीय पुस्कर नागरी र २२ वर्षीय हिक्मत समान्त रहेका छन्। घाइतेहरुमध्ये पुस्करको अवस्था गम्भीर रहेको छ। पुस्करलाई थप उपचारका लागि धनगढी लगिएको छ ।
हिक्मतको भने डडेल्धुरा अस्पतालमै उपचार भइरहेको छ । दार्चुलाबाट धनगढी जाँदै गरेको ग १ ज ५२२४ नम्बरको जिप बुधबार बिहान सवा ५ बजेतिर बन्तड भीरमा दुर्घटना भएको थियो ।
प्रतिक्रिया