काभ्रेपलाञ्चोक, ५ साउन : जिल्लास्थित सरकारी कार्यालयका प्रमुखलाई बिदाको दिन बाहेक अरु समय जिल्ला नछाड्न निर्देशन दिइएको छ । सदरमुकाम धुलिखेलमा आज भएको कार्यालय प्रमुखको बैठकमा प्रमुख जिल्ला अधिकारी उदयबहादुर रानाले सुरक्षा चुनौतीका कारण कार्यालय नछाड्न निर्देशन दिनुभएको हो ।

“जिल्ला छाड्दा जिल्ला प्रशासन कार्यालयको अनुमति लिनुपर्छ”, उहाँले भन्नुभयो । नजिकको जिल्ला भएकाले सुरक्षा निकायबाहेक अधिकांश कार्यालय प्रमुख काठमाडाँैबाट आवतजावत गर्दै आएका छन् । कार्यालय प्रमुख जिल्लामै रहँदा इन्धनको समेत बचत हुन्छ ।

“सुरक्षा गार्डको भरमा कार्यालय छाड्न हुँदैन, बेलुकी सात बजेपछि सरकारी गाडी चलाउन पाइँदैन”, रानाले निर्देशन दिनुभयो । कार्यालयको सुरक्षा गर्न नसके जिल्ला प्रशासन कार्यालयलाई तत्काल जानकारी गराउन उहाँले बताउनुभयो । रासस