धुलिखेल १ असार : वर्षाका कारण काभ्रेकाे मंगलटारहुँदै तेमाल गाउँपालिका जाने सडक अबरुद्ध भएको छ । अबरुद्ध सडक खुलाउने क्रममा तेमाल गाउँपालिका वडा न ७ मेटवाल र काल्धारको बीचमा पहिरोसंगै ढुङगा खसेर डोजर पुरिएको छ ।
पहिराेमा परी डोजर चालक जयराम विश्वकर्मा सामान्य घाइते भएका छन । तेमाल गाउँपालिका वडा नं ७ का अध्यक्ष ज्ञानबहादुर तामाङका अनुसार मंगलबार साँझ सडक माथिबाट पहिरोसंगै ढुङगा खसेर बा २ क ७१८७ नम्बरको जेसीवी पुरिएको हो ।
पहिराेमा पुरिएकाे डोजर धर्मराज कन्सटक्सनको रहेको मंगलटार प्रहरीले जनाएको छ । बुधबार विहानैदेखि अवरुद्ध सडक खुलाउन वडा अध्यक्ष तामाङको नेतृत्वमा स्थानीय बासिन्दा र मंगलटारबाट प्रहरी परिचालित भएका छन् ।
प्रतिक्रिया