काभ्रेपलाञ्चोक जिल्लाकोे तेमाल गाउँपालिकामा विद्यूतीकरण गठित तेमाल सामुदायिक विद्युतिकरण सहकारी संस्थाको अध्यक्षमा सार्कीमान तामाङ निर्वाचित भएका छन् ।

संस्थाको ११ औं साधारणसभाले सार्कीमान तामाङलाई अध्यक्षमा सर्वसम्मत चयन गरेको हो साधारणसभाले उनी सहित सबै पदाधिकारी सर्वसम्मच चयन गरेको हो ।

नवनिर्वाचित तामाङ संस्थाको पूर्व अध्यक्ष एवं सामुदायिक विद्युत राष्ट्रिय महासंघका केन्द्रिय सदस्य पनि हुन् । नवनिर्वाचित उपाध्यक्षमा इन्द्र बहादुर अधिकारी, सचिबमा इन्द्रमान तामाङ, कोषाध्यक्षमा कुल बहादुर तामाङ, सहसचिबमा डी.एस. लामा, सदस्यहरुमा रेशम बहादुर तामाङ र प्रेम बहादुर तामाङ रहेका छन् ।

यसैबीच साधारणमा पेश भएको आर्थिक प्रतिवेदन भने पास हुन सकेन । कोषाध्यक्ष गणेश भण्डारीले प्रस्तुत गरेको आर्थिक प्रतिवेदन साधारणसभाले पास नगरेको हो ।

संस्थाका सदस्यहरुले आर्थिक विवरण बिस्तृत अध्ययन गर्नुपर्ने अडान राखेपछि प्रतिवेदन पास नभएको हो । नयाँ सञ्चालक समितिले विस्तृत अध्ययन गरेपछि मात्र आर्थिक प्रतिवेदनका बारेमा सत्य तथ्य सार्वजनिक गर्ने बतााइएको छ । संस्थामा १३ लाख भन्दा बढी घाटामा रहेको बताइएको छ ।