काठमाण्डौँ, १० माघ: काभ्रेको बेथानचोक गाउँपालिका वडा नम्बर ५ मा भिर खस्दा डोजर चालक घाइते भएका छन् । बिहिबार च्याल्टि खोला–दमार खोला हुदैँ नारायणस्थान जोड्ने सडक खन्ने क्रममा माथिबाट भिर खस्दा दोलखा घर भएका डोजर चालक सुरेश खड्का घाइते हुन् ।

वडाध्यक्ष खजेनची लामाका अनुसार दमारको फिमपाखा भिर खन्ने क्रममा माथिबाट चटान खस्दा चालक घाइते भएका हुन् । डोजर पूर्णरुपमा क्षतिग्रस्त भएको छ । सामान्य घाइते भएका चालक खड्का धुलिखेल अस्पतालमा उपचार पछि घर पर्किएको वडाध्यक्ष लामाले जानकारी दिए ।

गाउँपालिकाको बजेटमा उपभोक्ता समितिले सडक निर्माणको काम गरिरहेको छ । “भिर एकदमै अप्ठ्यारो थियो, वडाध्यक्ष लामाले भने यसअघिका डोजर चालकलाई पनि उक्त क्षेत्रमा नखन्नु भनेका थियौँ, त्यो बेला खनिएको थिएन्, तर अहिले खनिएछ, घटना भयो । उनका अनुसार उक्त क्षेत्रमा तलबाट ग्याविन उठाएर मात्रै सडक फराकिलो बनाउन सकिन्छ ।