२०८२, १३ मंसिर शनिबार

भारतको हरिद्वारबाट दुई नेपाली युवा बेपत्ता

भारतको हरिद्वारबाट दुई नेपाली युवा बेपत्ता


दुल्लु, ५ माघ : भारतमा मजदूरी गरेर नेपाल फर्किंदै गरेका दैलेखका दुई युवा बेपत्ता भएका छन् । नारायण नगरपालिका–४ सोत गाउँका ४० वर्षीय भक्तबहादुर कटुवाल र सोही ठाउँका ३४ वर्षीय चक्रबहादुर सुनार भारतको उत्तराखण्ड प्रदेशमा पर्ने हरिद्वारमा लुटिएसँगै बेपत्ता भएका हुन् । सो प्रदेशको रुद्रप्रयागबाट घर फर्किने क्रममा गत पुस २८ गते दिउँसो अपरिचित व्यक्तिको समूहले नशालु वस्तु खुवाएर बेहोस पारी ८७ हजार भारतीय रुपैयाँ लुटेको जानकारी प्राप्त भएको नारायण–४ का वडा सदस्य खगिसरा सुनारले बताउनुभयो ।

रुद्रप्रयागमा अढाइ महीना मजदूरी गरी घर आउँदै गर्दा उहाँहरुलाई दिउँसोको समयमा हरिद्धारको बसपार्क नजिक अपरिचित व्यक्तिले जबर्जस्ती चिया खुवाएलगत्तै बेहोस भएपछि नगद, लत्ताकपडा, मोबाइलसमेत लुटिएको भक्तबहादुरकी भाइबुहारी पुष्पाले जानकारी दिनुभयो । घटनाको पाँचौँ दिन हरिद्वार नजिकको एक जङ्गलमा होस खुलेपछि नजिकको बस्तीमा आएर चक्रबहादुरले घर परिवारको मोबाइलमा शुक्रबारमात्र सम्पर्क गरेपछि घटनाबारे थाहा भएको हो । अर्काकै फोनबाट घरपरिवारलाई सम्पर्क गरेका उहाँहरु आजसम्म घर नआएको पुष्पाले बताउनुभयो ।

फोन सम्पर्कमा ल्याइदिने व्यक्तिले पाँच हजार भारतीय रुपैयाँ रेमिटान्समार्फत पठाउन लगाएका र सो रकम प्राप्त गरेपछि फोन नउठाएपछि थप शङ्का पैदा भएको चक्रका छोरा नरेशले बताउनुभयो । दैलेखका पत्रकार अमर सुनारको पहलमा उहाँहरुका बारेमा हरिद्वारमा रहेका दैलेख पिपलकोटका रामप्रसाद जोशी र उत्तराखण्डकै रुद्रपुरमा रहनुभएका मनोज थापाले शुक्रबार दिनभर भारतीय प्रहरी, सामाजिक सञ्जाल र सम्भावित सूचना स्रोतसँग खोजविन गर्दासमेत पत्ता लाग्न सकेको छैन ।
-रासस

प्रकाशित मिति : २०७५, ५ माघ शनिबार  ७ : २२ बजे

प्रधानमन्त्री कार्की र रास्वपा नेताबीच बालुवाटारमा छलफल

काठमाडौं । आगामी फागुन २१ गते निर्धारित प्रतिनिधि सभा निर्वाचनको

एमालेको ११औँ महाधिवेशनका लागि प्रेस चौतारीबाट सर्वसम्मत प्रतिनिधि चयन

काठमाडौं। नेकपा एमालेको आसन्न ११औँ राष्ट्रिय महाधिवेशनका लागि प्रेस चौतारी

एमाले महाधिवेशनका लागि अनेरास्ववियुबाट सात प्रतिनिधि निर्विरोध चयन

काठमाडौं । नेकपा एमालेको एघारौँ राष्ट्रिय महाधिवेशनका लागि अनेरास्ववियुबाट प्रतिनिधि

जोन सिम्पसनको अर्धशतकमा काठमान्डुले चितवनलाई १४३ रनको लक्ष्य

काठमाडौ । सिद्धार्थ बैंक नेपाल प्रिमियर लिग (NPL) मा काठमान्डु

उज्यालो नेपाल पार्टी घोषणा : मंसिर १७ गते, प्रमुख अतिथि कुलमान घिसिङ

काठमाडौं । नयाँ राजनीतिक शक्ति ‘उज्यालो नेपाल पार्टी’ मंसिर १७