मंसिर २०, काभ्रे । विहीबार बिहान ८ बजे काभ्रे जिल्लाको बेथानचोक गाउँपालिका वडा नंं.–४ स्थित ढुंखर्कबाट खोपासीतर्फ आउँदै गरेको बा ३ ख ५३२३ नम्बरको बस ढुंखर्क–खोपासीको भित्री सडक खण्डमा पल्टिएको छ । जिल्ला प्रहरी कार्यालय काभ्रेका अनुसार बसले ५५ जना विवाहका जन्ती बोकेर हिंडेको थियो । बसमा यात्रा गरिरहेका जन्तीहरुमध्ये ९ जना घाइते भएका छन् ।

घाइते हुनेहरूमा बेथानचोक गाउँपालिका ३ घर भएका १८ वर्षका पेमा लामा, सोही स्थानमा घर भएका १८ वर्षका राजन लामा, ४५ वर्षका कान्छा तामाङ, १९ वर्षका सुजन लामा, ४५ वर्षका वीर बहादुर तामाङ, ४२ वर्षका मन बहादुर तामाङ र नमोबुद्ध नगरपालिका –११ घर भएका २७ वर्षकी सरिता तामाङ रहेका छन् । उनीहरुको अवस्था सामान्य रहेको छ । घाइतेहरुको शिरमेमोरियल अस्पताल बनेपामा उपचार भइरहेको प्रहरीले जनाएको छ ।