मंसिर–१०, नमोवुद्ध भकुण्डे । आज विहान १० बजे काभ्रेको नमोवुद्ध नगरपालिकाको श्रीराम वस्ती बुचाकोटमा भएको दुर्घटनामा मोटरसाइकल चालकको मृत्यु भएको छ ।

काभ्रेको रोशी गाउँपालिकामा पर्ने खार्पाचोकबाट आइरहेको बा. ३ ख. २५४१ नम्बरको बसमा को. २८ प. १३१४ नम्बरको मोटरसाइकल ठोक्किँदा मोटरसाइकल चालक दिपक थापामगरको मृत्यु भएको हो ।

सुनसरी जिल्ला हाँसपोस भन्ने ठाउँमा स्थायी घर भई हाल कानेपोखरी गाउँपालिका वडा नं. ७ मोरङमा बस्दै आएका वर्ष ३९ का मृतक थापामगर पूर्वतर्फ जाँदै गर्दा बनेपातर्फ आउँदै गरेको बसमा ठोक्किएका थिए ।

मोटरसाइकलमा एकजना मात्रै सवार रहेको स्थानीय वडाध्यक्ष सञ्जिव ढकालले बताए । वडाध्यक्ष ढकालकाअनुसार मोटरसाइकल पूर्णरुपमा क्षति भएको छ भने बस र चालकलाई भकुण्डे प्रहरीले नियन्त्रणमा लिएको छ ।