भक्तपुर, ३० कात्तिक : भक्तपुरमा सञ्चालित पशुका औषधि पसल (भेटेनरी) अवैधरुपमा सञ्चालित भएको पाइएको छ । भक्तपुर नगरपालिका बजार अनुगमन समितिका संयोजक एवं वडा नं ३ का वडाध्यक्ष राजकृष्ण गोराको नेतृत्वमा समितिले आज विभिन्न स्थानमा सञ्चालित भेटेनरी पसल अनुगमनका क्रममा यस्तो भेटाएको हो ।

अनुगमनका क्रममा उज्वल भेटेनरी क्लिनिक, पासा भेटेनरी र विष्णु भेटेनरी फार्म अवैधरुपमा सञ्चालनमा रहेको पाइएकाले तीन दिनभित्र दर्ता गर्न निर्देशन दिइएको वरिष्ठ निरीक्षक रामकृष्ण प्रजापतिले जानकारी दिनुभयो । अनुगमन टोलीले विभिन्न भेटेनरीबाट म्याद नाघेको औषधि इलेक्ट्रोमिक्स एक, फाइभ आयोडी एक, फाइभ भेट एक, ओस्टोपट एक, ब्रोटो केयर र स्टार सोल एक जफत गरेको छ ।
-रासस