काभ्रे । जिल्लाको बनेपा नगरपालिका वडा नं. ९ मा ठूलो गहिरे जंगलमा अपरिचित मान्छेको मानव कंकाल फेला परेको छ ।

जिल्ला प्रहारी कार्यालय, काभ्रेका अनुसार लामागाउँ स्थित ठूलो गहिरे जंगलमा नाईलनको डोरी बाँसको रुखमा झुण्डिएको अवस्थामा रहेको अवस्थामा फेला परेको हो ।

हड्डिको भाग भुईमा खसी थुप्रिएको र नाईलनको डोरीमा केही हड्डीको सानो भाग अड्किएर रहेको भेटिएका थिए । प्रहरीले आत्महत्या गरेको हुनसक्ने बताएका छन् । घटनास्थल नजिकै निलो कलरको ट्रयाक्सुट, प्लास्टीकको कालो रङको जुत्ता, पछाडि बोक्ने कालो रंगको खाली व्याग समेत फेला परेको छ ।

घटनास्थलमा फेला परेको कपडालाई हेर्दा अधबैंसे पुरुष व्यक्ति झुण्डीएर मृत्यु भएको अनुमान गरिएको छ । प्रहरीले ‘मानव कंकालहरुलाई फरेन्सिक मेडिकल विभाग त्रि.वि। शिक्षण अस्पताल महाराजगंज, काठमाडौंमा पठाई थप अनुसन्धान भइरहेको जानएको छ ।’