काभ्रे काभ्रेपलाञ्चोक जिल्लाको विकट डाँडापारिस्थित महाभारत गाउँपालिका दूई जना मात्रै कर्मचारीको भरमा सञ्चालन भईरहेको छ ।

जनतालाई आफ्नै घर आँगनमा सेवा दिने उद्धेश्यले संघीय संरचना अनुसार गठन भएका स्थानीय तहहरुले कर्मचारी अभावका कारण सेवाग्राहीले भने अनुसार सेवा दिन नसकेको हो ।

प्रदेश नं ३ अन्तर्गत काभ्रेपलाञ्चोक जिल्लाको सो गाउँपालिकामा १७ जनाको दरबन्दी रहेकोमा अहिले प्रमुख प्रशासकीय अधिकृत र लेखापाल मात्रै रहेको गाउँपालिकाका अध्यक्ष कान्छालाल जिम्बाले बताउनुभयो ।

गाउँपालिकाका प्रमुख प्रशासकीय अधिकृत रेमोण्ड थापा मगरले गाउँपालिकामा दरबन्दी अनुसार कर्मचारी नभएको र हुनु पर्ने वडा सचिवहरु समेत नहुँदा गाउँपालिकाको प्रशासनिक काममा निकै समस्या ब्यहोर्नु परेको उहाँको भनाई छ ।

‘कर्मचारी पर्याप्त नहुँदा प्रभावकारी रुपमा सेवा दिन सकिरहेका छैनौं । ‘जसका कारण सेवाग्राहीको गुनासो धेरै आईरहेको छ ।’
गाउँपालिकाका अध्यक्ष कान्छालाल जिम्बाले दरबन्दी अनुसार कर्मचारी नहुुनु र वडाहरुमा समेत पर्याप्त वडा सचिवहरु नहुँदा निकै समस्या खेपिरहनु परेको बताउनुभयो ।

‘दरबन्दी अनुसार कर्मचारी उपलब्ध गराउन र वडा सचिवहरु पर्याप्त मात्रमा उपलब्ध गराउन भनि संघीय मामिला तथा सामान्य प्रशासन मन्त्रालयमा पटक पटक निवेदन पेश गरिरहेका छौं, तर कुनै पनि प्रतिक्रिया समेत पाईरहेको छैन ।’

उहाँका अनुसार गाउँपालिकाको आठ वटा वडाहरुमा अहिले तीन जना मात्रै वडा सचिवले काम गरिरहेका छन् । सचिवहरु पर्याप्त नहुँदा सेवाग्राहीहरुलाई भन्ने वेलामा सेवा दिन नसकेको वडा अध्यक्षहरु बताउँछन् ।

महाभारत गाउापालिका मात्रै होईन, अधिकांश ग्रामीण गेभका गाउँपालिकाहरु कर्मचारी अभावमा दैनिक प्रकासशनिक काम देखि सेवाग्राहीलाई समयमा नै सेवा दिन नसक्ने अवस्थामा रहेका छन् ।  देवराज केसी