बनेपा । यातायात सेवा समितिमा सेण्डिकेटको अन्त्य गरेसँगै काभ्रेको दुर्गम पहाडी भेगका यातायात उपभोक्तालाई लक्षित गरी रेन्वो यातायात प्रा.लि.ले सेवा आजबाट शुरु गरेको छ ।

काभ्रेको तेमाल गाउँपालिकाका विभिन्न भेग र बस्तीलाई लक्षित गरी शरु भएको रेन्वो यातायातले नयाँ रुट तय गरी सेवा सञ्चालनमा ल्याएको हो ।

रेन्वोले ५ वटा बस व्यवसायीहरुलाई केन्द्रिकृत गरी प्रा.लि. बनाएको तेमालका स्थानीय सत्यमान लामाले बताए । लामाकाअनुसार बनेपाको भकुण्डे–मंगलटार–काल्ढुंगा–भोज्र्याङ्–भोटेपाटी हुँदै मेच्छेपौवासम्म एउटा रुट तय गरिएको छ भने बनेपाबाटै भकुण्डे, मंगलटार काल्ढुंगा–लुंसाल–मेच्छे हुँदै टेकानपुरसम्मको रुट परमिट लिएर आजबाट सञ्चालनमा ल्याइएको छ ।

                      समितिले निर्धारण गरेको भाडादर

यो यातायात प्रा.लि.को सेवा सुचारु भएसँगै तेमाल भेगका स्थानीयको जीवनस्तर सुधारमा सहयोग त हुनेछ भने यस भेगमा उत्पादन भएका किसानका तरकारी, स्थानीयका आवतजावतमा सहजता हुने भएको छ ।