कानुन, न्याय तथा संसदीय मन्त्री शेरबहादुर तामाङले छाता ओढेरै भाषण गरेका छन् । मंगलबार काभ्रेको नमोबुद्धमा आयोजित भगवान गौतम बुद्धको जन्मजयन्तिमा हेलिक्टरबाट पुग्ने कार्यक्रम रहेपनि हेलिक्टरमा सिट अभाव भएपछि सडकबाटै नमोबुद्ध पुगेका मन्त्री तामाङले झमझम पानी परेकै अवस्थामा भाषण गरे । छाता ओढेर ।

उनी नमोबुद्ध पुग्दा पानी परिरहेको थियो । मन्त्रीलाई कुरेर बसेका बौद्धधर्मावलम्बीहरु पनि पानीमा छाता आढेरै मन्त्रीको भाषण सुन्न बाध्य भए । मन्त्री लामाले बुद्धले देखाएको बाटोमा हिड्न उपस्थित सबैलाई आग्रह गरे । “बौद्ध धर्म मान्ने, अनि मार्ग चाँहि अर्को ? यस्तो कहिले पनि गर्नु हुदैँन उनले भने “शान्तिको बाटोमा हामी सबै हिडौँ ।”

मन्त्री तामाङले समृद्धिको यात्रामा हिड्न पनि आग्रह गरे । उनले राजनीतिक स्थायीसँगै दीर्घकालिन शान्तिको बाटोमा देश अघि बढेको भन्दै बुद्ध जन्मिएका देशका मानिसले कहिल्यै अहिंसाको बाटो रोज्न नहुने बताए । “ढिलै भएपनि देशमा अहिले राजनीतिक स्थायित्व कायम भइसकेको छ, उनले भने “अब समृद्धिको बाटोमा हामी सबै एक भएर लाग्नुपर्छ ।”