१८ पुस, काठमाडौं । निर्वाचन आयोग, र देउवा सरकारले इन्धनमा गरिएको मूल्यबृद्धिबिरुद्ध शान्तीपुर्ण आन्दोलनमा उत्रिएको नेकपा एमाले सम्बद्ध अनेरास्ववियुका बिद्यार्थी र प्रहरीबीच त्रिचन्द्र क्याम्पस अगाडि झडप भएको छ ।

झडपमा प्रहरीको लाठी प्रहारबाट अनेरास्ववियुका उपाध्यक्ष महेश बर्तौला, महासचिव ऐन महर शेखर बोहरा लगायतका दर्जनौं नेता कार्यकर्ता घाइते भएका छन् । उपाध्यक्ष बर्तौलाको टाउकोमा चोट लागेको छ । विद्यार्थीहरुले त्रिचन्द्र क्याम्पसबाहिर प्रदर्शनमा प्रधानमन्त्री शेरबहादुर देउवा सरकारले इन्धनमा मूल्यबृद्धि गरिएको भदै देउवाको पुत्ला जलाउन लागेपछि प्रहरीसँग झडप भएको हो ।

विद्यार्थीहरुले सरकार र प्रमुख निर्वाचन आयुक्त अयोधीप्रसाद यादवविरुद्ध नाराबाजी गरेका थिए । सरकारले हिजोमात्र पेट्रोलियन पदार्थ र खाना पकाउने ग्यासमा मूल्यबृद्धि गर्ने निर्णय गरेको थियो ।

आन्दोलन र झडपपछि त्रिचन्द्र क्याम्सप आसपास घण्टाघर, रत्नपार्क, भोटाहिटी, जमल क्षेत्रको ट्राफिक व्यवस्था अस्तव्यस्त बनेको छ ।